سمــاح العــلوي
02-25-2009, 07:15 PM
هذه نبذه لاشهر مواقف الرجوله العربيه الموثقه تاريخيا
وهي مجهود متواضع اضعه بين ايديكم يالعزوه000
قـال الاديـب اللـي يـروم البـداوه=والناس في ميـزان حكمـه تسـاوه
ويشهد لمن حاز الصخـى والنقـاوه=واللي زعل مـن قولنـا مااترضـاه
اليوم كـل النـاس صـارت ذيابـه=تبني بيوتـن كـان ساسـه خرابـه
واللـي يريـده يكتبـه فـي كتابـه=ويطبع كتابه بالسنـه عشـر طبعـاه
وانا نويـت اكتـب حروفـن نقيتـه=ورفعت جـدران القصـوص وبنيتـه
وعندي دليل اللي جزمـت ورويتـه=ودرب الخطـأ لازم بالاقـدام ناطـاه
ناطـى الخطـأ لكنـنـا مانعـيـده=ولا اقول قولي لاجل شيخ ورصيـده
واللي كذب بالقول غصبـن نصيـده=ولو يشتمن وسط العـرب ماشتمنـاه
اذكـر روايـات علومـه شهـيـره=صارت لمن عاشوا بوسـط الجزيـره
ومااقول انا ماصار بالطيـب غيـره=لكن ذكـرت اللـي سمعنـا وقلنـاه
الطيب واجـد غيـر ماصـار معنـاه=وحبيت اعد اللـي بصدقـه سمعنـا
وهذا الـذي لاهـل المكـارم جمعنـا=والصدق ياصلنـا ولـو ماوصلنـاه
واللي روى علمن ولااحدن درى بـه=علمن كبيرن مثـل شامـخ هضابـه
نقول يااهل العرف من ويـن جابـه=كيف اختفى دامه مثـل ظلـع ابانـاه
اعظـم مفاخرهـا خـذاه السويطـي=صنيتان جرحه بالضمايـر محيطـي
قلبـه بلاهـوب الوفـى يستشيطـي=ابنـه علـى جـاره تقـدم وذكــاه
والثانيـه طيبـه خـذاه السبيـعـي=اللي فعل لـه فعـل ماهـو طبيعـي
لاجل المهادي والشـرف لايضيعـي=مفرج شلع راس الولـد ثـم دربـاه
والثالثـه عمـران ولـد البجـيـدي=ادخل دخيله عـن سيـوف العنيـدي
وهـو يطلبـه دم الغـلام الفقيـدي=عسى ولي العرش بالطيـب يجـزاه
والرابعـه طيبـه لصبـر المهـادي=مع جاره اللي في ردى البنـت زادي
وقال اصبري والصبر درب السـدادي=وصبر ثمان سنيـن والظيـم ياطـاه
والخامسـه شيلـة خـوي كسيـري=سبوعين ماهابوا طريقـن عسيـري
وفازوا بها الشلقان عقب المسيـري=وكسيرهم في زين الاشعـار جـازاه
السادسـه طيبـه لشيـخ الظفيـري=اللي حمى ماجـد بسيفـن شطيـري
راع البويت اللـي مقامـه عطيـري=دغيم ثنى دونه عن القـوم وانجـاه
والسابعـه للـي بقـرن الشمـالـي=ادخل عن الاتراك مـن كـان جالـي
والترك جيشه مثـل وبـل الخيالـي=وابن سمير اعلـن مواقـف حميـاه
والثامنـه شالـه حمـد ولـد عيـده=نخـاه مربوطـن شكـى نـار قيـده
وصار الثمن في كل ماحاشـت ايـده=من قوم ابن مرشد عسى الخير ملفاه
والتاسع اللـي قـدم الطفـل نايـف=للذبح عن جـارن حريمـه ضعايـف
سليمان قال الطفـل نلقـى خلايـف=وبني عطيـه طيبهـم طـال مبنـاه
!!! والعـــاشــره!!! للي عطـى الشـاة ذيبـه=ذيبن كبيرن و!!!الدغيـري !!! رضـي بـه
ابـن سعيـد شـاع بالنـاس طيبـه=يوم العرب بالجـوع تبلـش بدنيـاه
ومثله فخـر للـي بليلـه يصيحـي=للي وقع من جـوع بطنـه طريحـي
يوم المجاعـه والزمـان الشحيحـي=ابن مهيد اللي علـى الطيـب نـاداه
واللي وقع بالقبر من صـوت ناخيـه=فايز مع ابن سويط والضيـم كاويـه
وياغيبة ابن هذيـل بالحـال تنهيـه=وعقوب في دربه على القبـر خـاواه
وابن دعيجاء من شيـوخ الشـرارت=اللي هوادي ضيفتـه روس خلفـات
والنار من خـام الجميـلات طاقـات=واكمل عشى ضيفه وحـاز الطويـلاه
ومقعـاد ابالظلعـان يرجـي خويـه=كسيـر طـاح بسهـلـة جرهـديـه
ربعه تميـم اهـل العـزوم القويـهشهرين لين الله من الكسـر شافـاه
ومثله من الجنفاء قعد مـع خصيمـه=عقيل والمجـدور مـن دون خيمـه
عقب العداوه صـار خصمـه نديمـه=صعبن ولد عمـه يـذوق المهونـاه
وافعال خر الذيـب بالطيـب شاعـه=من نقوة العجمان واهـل الشجاعـه
يشيـل مقطـوع الطريـق ببراعـه=ماخـاف تهديـد المهنـدس وفرقـاه
وذكرت ابن ناحل مع اللـي يراجيـه=لو ماكسب يعطي ضعيفـه ويحذيـه
من شان مايترك طريقن مشـى فيـه=واشعـار ابوماجـد بالامـداح تلقـاه
واللي يعيد الذود من شـان جربـوع=من ملحته ذوده على طـول مرجـوع
وهي لقمتن ماتطرد الضعف والجـوع=الله يبـارك فـي رفيـقـن تــولاه
واللي طرد ذوده قبـل يـارد البيـر=من شان يسقي ذود بعض المساييـر
سواه ابن طـارش وفيهـن معاشيـر=وطاح العشار من الذي طاب في مـاه
وبمطير سواه ابـن هدبـاء عياني=مع العتيبي في قديم الزماني
ولاواعذابي كان جاري حداني=قاله سميـر وراعـي البيـر بـداه
واذكر بلي واللي بهم شـاع صيتـه=حمد نقض للضيـف عمـدان بيتـه
يوقد عشـى ضيفـه وفعلـه رويتـه=وعقبه وقع بيتـه ولاجـاب طريـاه
واللي مشى لاجل الغنم عنـد جـاره=واسقى الغنم مـن در غالـي بكـاره
مطلق من التومـان والطيـب كـاره=ساق الغنم والناس تمشـي بممشـاه
واللي حمس واحرق خياش القهـاوي=ابـن لحيـدان التميمـي شـفـاوي
يـوم الدهـر يمنـع ردي الهقـاوي=منتوج صنعاء جابه الشيـخ واغـلاه
والعوهلـي دلا يعـالـج جريـحـه=تسعيـن يـوم وكـل يـوم ذبيحـه
ماجـاب لربوعـه بـوادر فضيحـه=وهـذي سلـوم المرجلـه يالقرابـاه
واللي كفـل بالطيـب رمـل القبيلـه=وعشاء الارامـل كافلـه كـل ليلـه
ابالرمـل سالـم فعـولـه جميـلـه=من روس شيخان الكـرام الطـوالاه
وصاح القريفـه قـال ويـن الحميـا=ومطيـر ربعـه شـاع طيبـه بليـا
والطيـب للـي راقــدن ماتهـيـا=وراع الصخى لابد مـن يـوم يلقـاه
واللي نقـل للجـار غالـي شياهـه=فوق الخيول وجارهـم بـان جاهـه
والحـرب ماتمنـع رجـال الوجاهـه=مطارفة وايل علـى الطيـب منشـاه
وتسعين يعطيهـا السويطـي هديـه=لنهيـت ولـد بريـك مالـه جزيـه
كلـه نيـاقـن لاحــوار ولقـيـه=صديق ابوه اللي من الضيـم ينخـاه
وصـوارم الهيـلا فعولـه صعيبـه=ردو نياقـن عقـب ماهـي نهيـبـه
حيثه حلب فـي راس تركـي حليبـه=شيخن صواريـم الرجاجيـل تنصـاه
وراح الصعيـدي للكويـت بمسيـره=لاجل العجوز اللـي دموعـه غزيـره
تبـي الولـد بالتمـر ياكـل بريـره=ومن الجبل جمسـه مـع الليـل وداه
وابن لهيلـم وقفتـه لابـن غسـلان=اعطاه شاة الضيف لو كـان زعـلان
قال اسكتوا عن راعي الطيب يافـلان=لولاه ضايق ما تقـدم علـى الشـاه
وزيد العجاجي عقب طيـب التميمـي=اللـي جميلـه بالزمـان القديـمـي
انجى حلاله مـن قـرار الخصيمـي=وعادت جفيفاء عقب الامحال واحيـاه
واللي يهلـي بالبقـر وسـط ليلـه=يظنهـا ضيفـن تبـع ريـح هيلـه
ابن فزير اللـي مثـل وبـل سيلـه=من مزنتن بالوسـم سالـت شغايـاه
واللي صبـر قـدام ضيـم القرايـب=وماتوا عياله من عطيـب الضرايـب
واخـوه راح وصابـرن للمصـايـب=جديـع بـن قبـلان والعفـن يفـداه
واللي يقيم اسبوع في مدخل الشيـخ=من شان رجل(ن)من رجال(ن)مطانيخ
وحمى ظويهر عن سيوف المناويـخ=هـذا عبكلـي شيخنـا فـي حميـاه
والشايـب اللـي ماتحلـل عظامـها=لشيخ ابن هـادي عزيـزن مقامـه
في مجـد قحطـان العزيـزه علامـها=قفى علـى بيـض الفعايـل وخـلاه
واللي نخى عـدوان شيـخ الطوالـه=يبـي الكفيـل اللـي عليـه الكفالـه
وعاقب منيع وشـال كامـل حلالـه=وسدد بريك اللـي بالاشعـار ينخـاه
وصاهود بن لامي شهيـر المغـازي=وساجر كما ذيبـن عـوى بالنـوازي
ياطـون ريضـان الجلـد والعـزازي=اللي غـدو بيـن المخاليـق مدعـاه
واللي وقع من شاب خاضـب يديـه=ولاجل المحبـه زار حـوض المنيـه
مثـل الدجيمـا والمطـوع ضحيـه=ومخلد نخـى وادرك حبيبـه بلامـاه
واللي لبس من شدة الوجـد خيشـه=باسباب ريمن طاح من قصف جيشـه
وطاحت حياتـه بالمحبـه غشيشـه=محمـد العمـار لا حــل طـريـاه
واللي من عياله شكى نـار الاتعـاس=ودعى عليهم دعـوة تجلـب البـاس
ومن دعوته طاحوا بقطاع الارمـاس=وجحيش سارت بين الاقوام شكـواه
واللي حمى النسوان عن نقرة الضيق=من نقرة المشهد علـى فكـة الريـق
اربع بنات(ن)في وصـوف الغرانيـق=وسليمان بن حتروش بالطيب سـواه
واللـي لقـى حتفـه بمقتـل بنيـه=ومثلـه تمـوت المهـرة الثابتـيـه
يوم العرب فيهـا النـدى والحميـه=ماتوا لموتـة واحـدن طـال مبنـاه
واللي لمح داب(ن)بـراس الشطيبـي=ينزل عليـه الطيـر ظنـه عسيبـي
داب(ن)عمـى قـدام عيـن الذويبـي=وزاد اتكالـه فـي بديـع السمـاواه
واللي تـرك ظبـي المفالـي طليقـه=ذكـر وصاة(ن)شالهـا مـن رفيقـه
والجوع وسط الجوف مثل الحريقـه=بـس الخـلاوي مايخلـي وصايـاه
سوالف(ن)للطيـب صـارت دلايــل=وفيها لصدق الهـرج قـول وفعايـل
والصدق واضـح ندعمـه بالمثايـل=من راوي(ن)في مصنع الذهـن نقـاه
موضوعنا يمكـن يصيـر الاخيـري=مـادام مالـي بالخلايـق نصـيـري
الطيـب طيبـي والكرامـه لغيـري=وان طحت محدن قال يالربـع ويـلاه
اصبحـت كنـي للمخاليـق شمعـه=تسكت وترسل من لظى النـار دمعـه
ومحدن رمع جرح المعاليـق رمعـه=وحنا اليـا ضـاق الرفاقـه رمعنـاه
والحمـد لله عـد مـا لاح بــارق=واعداد نور(ن)من لظى الشمس شارق
من خافقـن تكويـه نـار المطـارق=ورقى جبال الصدق ما هـاب مرقـاه
وســــــــــــلاااااااامتــــــــــكمـ،
وهي مجهود متواضع اضعه بين ايديكم يالعزوه000
قـال الاديـب اللـي يـروم البـداوه=والناس في ميـزان حكمـه تسـاوه
ويشهد لمن حاز الصخـى والنقـاوه=واللي زعل مـن قولنـا مااترضـاه
اليوم كـل النـاس صـارت ذيابـه=تبني بيوتـن كـان ساسـه خرابـه
واللـي يريـده يكتبـه فـي كتابـه=ويطبع كتابه بالسنـه عشـر طبعـاه
وانا نويـت اكتـب حروفـن نقيتـه=ورفعت جـدران القصـوص وبنيتـه
وعندي دليل اللي جزمـت ورويتـه=ودرب الخطـأ لازم بالاقـدام ناطـاه
ناطـى الخطـأ لكنـنـا مانعـيـده=ولا اقول قولي لاجل شيخ ورصيـده
واللي كذب بالقول غصبـن نصيـده=ولو يشتمن وسط العـرب ماشتمنـاه
اذكـر روايـات علومـه شهـيـره=صارت لمن عاشوا بوسـط الجزيـره
ومااقول انا ماصار بالطيـب غيـره=لكن ذكـرت اللـي سمعنـا وقلنـاه
الطيب واجـد غيـر ماصـار معنـاه=وحبيت اعد اللـي بصدقـه سمعنـا
وهذا الـذي لاهـل المكـارم جمعنـا=والصدق ياصلنـا ولـو ماوصلنـاه
واللي روى علمن ولااحدن درى بـه=علمن كبيرن مثـل شامـخ هضابـه
نقول يااهل العرف من ويـن جابـه=كيف اختفى دامه مثـل ظلـع ابانـاه
اعظـم مفاخرهـا خـذاه السويطـي=صنيتان جرحه بالضمايـر محيطـي
قلبـه بلاهـوب الوفـى يستشيطـي=ابنـه علـى جـاره تقـدم وذكــاه
والثانيـه طيبـه خـذاه السبيـعـي=اللي فعل لـه فعـل ماهـو طبيعـي
لاجل المهادي والشـرف لايضيعـي=مفرج شلع راس الولـد ثـم دربـاه
والثالثـه عمـران ولـد البجـيـدي=ادخل دخيله عـن سيـوف العنيـدي
وهـو يطلبـه دم الغـلام الفقيـدي=عسى ولي العرش بالطيـب يجـزاه
والرابعـه طيبـه لصبـر المهـادي=مع جاره اللي في ردى البنـت زادي
وقال اصبري والصبر درب السـدادي=وصبر ثمان سنيـن والظيـم ياطـاه
والخامسـه شيلـة خـوي كسيـري=سبوعين ماهابوا طريقـن عسيـري
وفازوا بها الشلقان عقب المسيـري=وكسيرهم في زين الاشعـار جـازاه
السادسـه طيبـه لشيـخ الظفيـري=اللي حمى ماجـد بسيفـن شطيـري
راع البويت اللـي مقامـه عطيـري=دغيم ثنى دونه عن القـوم وانجـاه
والسابعـه للـي بقـرن الشمـالـي=ادخل عن الاتراك مـن كـان جالـي
والترك جيشه مثـل وبـل الخيالـي=وابن سمير اعلـن مواقـف حميـاه
والثامنـه شالـه حمـد ولـد عيـده=نخـاه مربوطـن شكـى نـار قيـده
وصار الثمن في كل ماحاشـت ايـده=من قوم ابن مرشد عسى الخير ملفاه
والتاسع اللـي قـدم الطفـل نايـف=للذبح عن جـارن حريمـه ضعايـف
سليمان قال الطفـل نلقـى خلايـف=وبني عطيـه طيبهـم طـال مبنـاه
!!! والعـــاشــره!!! للي عطـى الشـاة ذيبـه=ذيبن كبيرن و!!!الدغيـري !!! رضـي بـه
ابـن سعيـد شـاع بالنـاس طيبـه=يوم العرب بالجـوع تبلـش بدنيـاه
ومثله فخـر للـي بليلـه يصيحـي=للي وقع من جـوع بطنـه طريحـي
يوم المجاعـه والزمـان الشحيحـي=ابن مهيد اللي علـى الطيـب نـاداه
واللي وقع بالقبر من صـوت ناخيـه=فايز مع ابن سويط والضيـم كاويـه
وياغيبة ابن هذيـل بالحـال تنهيـه=وعقوب في دربه على القبـر خـاواه
وابن دعيجاء من شيـوخ الشـرارت=اللي هوادي ضيفتـه روس خلفـات
والنار من خـام الجميـلات طاقـات=واكمل عشى ضيفه وحـاز الطويـلاه
ومقعـاد ابالظلعـان يرجـي خويـه=كسيـر طـاح بسهـلـة جرهـديـه
ربعه تميـم اهـل العـزوم القويـهشهرين لين الله من الكسـر شافـاه
ومثله من الجنفاء قعد مـع خصيمـه=عقيل والمجـدور مـن دون خيمـه
عقب العداوه صـار خصمـه نديمـه=صعبن ولد عمـه يـذوق المهونـاه
وافعال خر الذيـب بالطيـب شاعـه=من نقوة العجمان واهـل الشجاعـه
يشيـل مقطـوع الطريـق ببراعـه=ماخـاف تهديـد المهنـدس وفرقـاه
وذكرت ابن ناحل مع اللـي يراجيـه=لو ماكسب يعطي ضعيفـه ويحذيـه
من شان مايترك طريقن مشـى فيـه=واشعـار ابوماجـد بالامـداح تلقـاه
واللي يعيد الذود من شـان جربـوع=من ملحته ذوده على طـول مرجـوع
وهي لقمتن ماتطرد الضعف والجـوع=الله يبـارك فـي رفيـقـن تــولاه
واللي طرد ذوده قبـل يـارد البيـر=من شان يسقي ذود بعض المساييـر
سواه ابن طـارش وفيهـن معاشيـر=وطاح العشار من الذي طاب في مـاه
وبمطير سواه ابـن هدبـاء عياني=مع العتيبي في قديم الزماني
ولاواعذابي كان جاري حداني=قاله سميـر وراعـي البيـر بـداه
واذكر بلي واللي بهم شـاع صيتـه=حمد نقض للضيـف عمـدان بيتـه
يوقد عشـى ضيفـه وفعلـه رويتـه=وعقبه وقع بيتـه ولاجـاب طريـاه
واللي مشى لاجل الغنم عنـد جـاره=واسقى الغنم مـن در غالـي بكـاره
مطلق من التومـان والطيـب كـاره=ساق الغنم والناس تمشـي بممشـاه
واللي حمس واحرق خياش القهـاوي=ابـن لحيـدان التميمـي شـفـاوي
يـوم الدهـر يمنـع ردي الهقـاوي=منتوج صنعاء جابه الشيـخ واغـلاه
والعوهلـي دلا يعـالـج جريـحـه=تسعيـن يـوم وكـل يـوم ذبيحـه
ماجـاب لربوعـه بـوادر فضيحـه=وهـذي سلـوم المرجلـه يالقرابـاه
واللي كفـل بالطيـب رمـل القبيلـه=وعشاء الارامـل كافلـه كـل ليلـه
ابالرمـل سالـم فعـولـه جميـلـه=من روس شيخان الكـرام الطـوالاه
وصاح القريفـه قـال ويـن الحميـا=ومطيـر ربعـه شـاع طيبـه بليـا
والطيـب للـي راقــدن ماتهـيـا=وراع الصخى لابد مـن يـوم يلقـاه
واللي نقـل للجـار غالـي شياهـه=فوق الخيول وجارهـم بـان جاهـه
والحـرب ماتمنـع رجـال الوجاهـه=مطارفة وايل علـى الطيـب منشـاه
وتسعين يعطيهـا السويطـي هديـه=لنهيـت ولـد بريـك مالـه جزيـه
كلـه نيـاقـن لاحــوار ولقـيـه=صديق ابوه اللي من الضيـم ينخـاه
وصـوارم الهيـلا فعولـه صعيبـه=ردو نياقـن عقـب ماهـي نهيـبـه
حيثه حلب فـي راس تركـي حليبـه=شيخن صواريـم الرجاجيـل تنصـاه
وراح الصعيـدي للكويـت بمسيـره=لاجل العجوز اللـي دموعـه غزيـره
تبـي الولـد بالتمـر ياكـل بريـره=ومن الجبل جمسـه مـع الليـل وداه
وابن لهيلـم وقفتـه لابـن غسـلان=اعطاه شاة الضيف لو كـان زعـلان
قال اسكتوا عن راعي الطيب يافـلان=لولاه ضايق ما تقـدم علـى الشـاه
وزيد العجاجي عقب طيـب التميمـي=اللـي جميلـه بالزمـان القديـمـي
انجى حلاله مـن قـرار الخصيمـي=وعادت جفيفاء عقب الامحال واحيـاه
واللي يهلـي بالبقـر وسـط ليلـه=يظنهـا ضيفـن تبـع ريـح هيلـه
ابن فزير اللـي مثـل وبـل سيلـه=من مزنتن بالوسـم سالـت شغايـاه
واللي صبـر قـدام ضيـم القرايـب=وماتوا عياله من عطيـب الضرايـب
واخـوه راح وصابـرن للمصـايـب=جديـع بـن قبـلان والعفـن يفـداه
واللي يقيم اسبوع في مدخل الشيـخ=من شان رجل(ن)من رجال(ن)مطانيخ
وحمى ظويهر عن سيوف المناويـخ=هـذا عبكلـي شيخنـا فـي حميـاه
والشايـب اللـي ماتحلـل عظامـها=لشيخ ابن هـادي عزيـزن مقامـه
في مجـد قحطـان العزيـزه علامـها=قفى علـى بيـض الفعايـل وخـلاه
واللي نخى عـدوان شيـخ الطوالـه=يبـي الكفيـل اللـي عليـه الكفالـه
وعاقب منيع وشـال كامـل حلالـه=وسدد بريك اللـي بالاشعـار ينخـاه
وصاهود بن لامي شهيـر المغـازي=وساجر كما ذيبـن عـوى بالنـوازي
ياطـون ريضـان الجلـد والعـزازي=اللي غـدو بيـن المخاليـق مدعـاه
واللي وقع من شاب خاضـب يديـه=ولاجل المحبـه زار حـوض المنيـه
مثـل الدجيمـا والمطـوع ضحيـه=ومخلد نخـى وادرك حبيبـه بلامـاه
واللي لبس من شدة الوجـد خيشـه=باسباب ريمن طاح من قصف جيشـه
وطاحت حياتـه بالمحبـه غشيشـه=محمـد العمـار لا حــل طـريـاه
واللي من عياله شكى نـار الاتعـاس=ودعى عليهم دعـوة تجلـب البـاس
ومن دعوته طاحوا بقطاع الارمـاس=وجحيش سارت بين الاقوام شكـواه
واللي حمى النسوان عن نقرة الضيق=من نقرة المشهد علـى فكـة الريـق
اربع بنات(ن)في وصـوف الغرانيـق=وسليمان بن حتروش بالطيب سـواه
واللـي لقـى حتفـه بمقتـل بنيـه=ومثلـه تمـوت المهـرة الثابتـيـه
يوم العرب فيهـا النـدى والحميـه=ماتوا لموتـة واحـدن طـال مبنـاه
واللي لمح داب(ن)بـراس الشطيبـي=ينزل عليـه الطيـر ظنـه عسيبـي
داب(ن)عمـى قـدام عيـن الذويبـي=وزاد اتكالـه فـي بديـع السمـاواه
واللي تـرك ظبـي المفالـي طليقـه=ذكـر وصاة(ن)شالهـا مـن رفيقـه
والجوع وسط الجوف مثل الحريقـه=بـس الخـلاوي مايخلـي وصايـاه
سوالف(ن)للطيـب صـارت دلايــل=وفيها لصدق الهـرج قـول وفعايـل
والصدق واضـح ندعمـه بالمثايـل=من راوي(ن)في مصنع الذهـن نقـاه
موضوعنا يمكـن يصيـر الاخيـري=مـادام مالـي بالخلايـق نصـيـري
الطيـب طيبـي والكرامـه لغيـري=وان طحت محدن قال يالربـع ويـلاه
اصبحـت كنـي للمخاليـق شمعـه=تسكت وترسل من لظى النـار دمعـه
ومحدن رمع جرح المعاليـق رمعـه=وحنا اليـا ضـاق الرفاقـه رمعنـاه
والحمـد لله عـد مـا لاح بــارق=واعداد نور(ن)من لظى الشمس شارق
من خافقـن تكويـه نـار المطـارق=ورقى جبال الصدق ما هـاب مرقـاه
وســــــــــــلاااااااامتــــــــــكمـ،