ياحيف وان الحيف مايقري الضيف

[أنور الشمري]

مساكم الله بالخير

وصلتني هذي القصيده من الراوي ذاكر الهربيد

ويقول انها لجده هديب بن صبيح الهربيد

وكنت اسمع في الثلاث ابيات الاوله من القصيده عدة روايات منها انها لزيدان الجرباء

وبعد اطلعي على القصيده اتضح انها للهربيد والدليل الخنفه

وبعض المواقع اللي ذكرها الشاعر

ومن لديه خبر عن صاحب القصيده ارجوا الافاده وهل لها تكمله والشكر للجميع


ياحيف وان الحيف مايقري الضيف=والحيف ماتبرك عليه الجمالي

لي لآبة ياغبت عنهم مواليف=وياجيتهم دبت على النمالي

ياجيت مجالسهم تجندت بالسيف=وسلامتي منهم على شده بالي

وقزيت أنا يم الجزيره وراء السيف=من خوف لايفرح عدون موالي

وأنا على ربعي كثير التحاسيف=ودي مجالس متعبين الدلالي

اولاد صقر نازلين الأطاريف=ترعابهم شقح البكار المتالي

اللي بهم نرعى الخطر دوم ونخيف=نرعى من الخنفه لحد الجبالي

اللي منازلهم بحد المشاريف=بين الجبال وبين سمر الدحالي

[البتار الدغيري]

هالقصيدة حسب ماسمعت انه لزيدان الجرباء

وشكرأ لك

تحياتي

[صنديد شمر]

اشكرك على القصيده


الرائعه وننتضر الجديد

[سفير الدغيرات]

الفين شكر انور الشمري الابيات الشعريه احيانا تتداخل مع بعضها بسب الوزن والقافيه المتشابهة

[ياسمين]

مشكور يا ابو صقر على هذه القصيده ونرجوا المزيد

[أنور الشمري]

هالقصيدة حسب ماسمعت انه لزيدان الجرباء

وشكرأ لك

تحياتي



الف شكر البتار



على الحضور الكريم

[أنور الشمري]

اشكرك على القصيده


الرائعه وننتضر الجديد



هلابك اخوي باسل اسعدني حضورك



الفين شكر انور الشمري الابيات الشعريه احيانا تتداخل مع بعضها بسب الوزن والقافيه المتشابهة




هلابك اخوي سفير سعيد بوجودك




مشكور يا ابو صقر على هذه القصيده ونرجوا المزيد





هلابك اخت ياسمين اشكر حضورك

[البراك]

رحم الله هربيد وابن زيدان الجرباء
شـكــ وبارك الله فيك ـــرا لك ... لك مني أجمل تحية .

[أنور الشمري]

رحم الله هربيد وابن زيدان الجرباء
شـكــ وبارك الله فيك ـــرا لك ... لك مني أجمل تحية .


هلابك اخوي البراك


يسعدني حضورك الكريم

[فرحان الشمري]

أخي الكريم

أنور الشمري

يعطيك العافيه وعندي الملاحظة التالية على الأبيات السابقة فهي تنسب عند الجعفر من عبدة إلى نيف بن حيمر الجعفري أثناء قصته المشهورة مع عجبة بن خليل الجعفري والقصة و الأبيات سأوردها كما يلي :
تنسب هذه الأبيات المذكورة ايضاً لنيف بن حيمر من الجعفر وكذلك رد خصمه عجبة بن خليل عليه وذلك انه كان عجبه يطلب نيف بن حيمر ثار وتابعه بالعراق وحصل التالي :
جلس نيف بن حيمرأمام البيت كعادته فنادته زوجته أن يدخل داخل البيت ولكنه قال : تبيني أدخل وقفاي راعي الريشا عجايب!!.قالت : بينك وبينه النفود. قال : بلاك ما تعرفينه أنا الي أعرفه .. وعجبه يسمع الحوار فثار عجبه وقال راعى الريشا عجايب ..إحلف أنك ما تدري بي قال نيف : والله أني ما أحسبنك دون النفود قال عجايب: ( جتك ضيغمية ) أي عفيت عنك وهذي من شيم الضياغم .. وتعانق الاثنان فقال له عجبه : شب النار ولن أعود بدونك فلما شب النار عجب الناس وتوافدوا على بيته , ثم عادا إلى ديارهم سالمين. وقال عجبه هذه الأبيات :




يا راكبٍ حمرا تموط المشاريف = تموح بأذرعها بعيد السهالي
من نجد جيتك للبلد من ورا السِيف= أجزم على قطع الثنيه لحالي
وأنويت ذبحك يا فتى الجود بالسَيف= و لله جعل لك من يميني زوالي
قم ارتحل من فوق حمراك يا نيف= تشفق على شوفك صعول الرجالي




فرد عليه نيف بهذه الأبيات:




وقفت أنا بالسَيف وصارت محاليف = من شان عَودٍ ماضي ٍ له فعالي
صارت على اللي يذري الجار والضيف= يذري ليَا هَبّت هبوب الشمالي
يا حَيف وانّ الحَيف ما يقري الضيف= والحَيف ما تبرك عليه الجمالي
يا حيف ياما جرى لي من الكيف = ننزل صحاصيح االخلا ما نبالي
لي لابةٍ لو غبْت عنـْهم مواليف= إن جيتهم دبّت عَليّا النمالي
لا جيت مجلسهم تمجندت بالسيف = وسلامةٍ منهم على شدْه بالي
واليوم انا لي منزل ٍ من ورا السِيف= من بين الاشقر والمشورب لحالي

الأشقر : ابن سعدون
المشورب : ابن جشعم

وسلامتكم

[أنور الشمري]

تسلم ابوعبدالله


على الرد الوافي الكافي



ماقصرت

[داغر محمد الداغر]

شـكــ وبارك الله فيك ـــرا لك ... لك مني أجمل تحية .

[البراك]

اخي انور الشمري القصيدة كما قال اخي ابوعبدالله انه لنيف بن جديع الجعفري الشمري
وإلي يقول غير الكلام هذا فهو كذاب مع احترامي لان القصة والقصيدة مشهورة جداً ليست لابن هربيد وليست للجرباء وسبق ان رديت على موضوعك هذا ثم بعدما تأكد انك موضوعك غلط في غلط وكنت ناوي اكتب القصة والقصيدة كاملة من احدا احفاده إلى ان ابوعبدالله قد سبقني جزاه الله كل خير