سبع الجموع
01-10-2009, 09:05 AM
السلام عليكم ورحمة الله وبركاته
أما الشاعـر مقحم النجدي من المكيتل من الجلال من الصقور من عنزة المتوفى في حدود عام 1260هـ تقريباً فهو شاعـر مقل مع جودة شعـره ومن شعره هذه القصيدة وقد أطلق عليها أبن رشيد أسم الشيخة قالها يحث على حسن الجوار ومكارم الأخلاق ويعتز بفعل جماعته ..
يا الله يالمعبود يا والـي الأقـدار
يا فارج الشدات لـو هـي كليفـه
أنت الذي تعلم خفيـات الأسـرار
معيش الخلند اللي عيونـه كفيفـه
يا رب يا رحمن عاون هل الكـار
يا معاون العبد الضعيف وسعيفـه
اللي مجالسهم بهـا بـن وأبهـار
ونجر يصـوت للهواشـل رجيفـه
اللي صيانيهـم وسيعـات واكبـار
ومفطحات الحيل للضيـف ضيفـه
تقليطهم للضيـف قعـدان وأبكـار
وحيل الغنم وقت السنين الحفيفـه
حنا كما مشخص عن الصرف مابار
بالوزن نرجـح والدراهـم خفيفـه
حنا لك الله ما نخفي سنـا النـار
ولا ننـزل ألا بالديـار المخيـفـه
وحنا لـك الله للمعاديـن جنـزار
وعدونـا لـو هـو بعيـد نخيفـه
وحنا لك الله من بعيديـن الأخبـار
والنفس ما نلحق هواهـا حسيفـه
وحنا لك الله من قديم لنا كار
عن جارنا ما قط نخفي الطريفه
نرفى خماله رفيت العـش بالغـار
ونودع له النفس القويـه لطيفـه
وعن المهونه والردا جارنا مجـار
برباعنـا يلقـا وناسـه وكيـفـه
والجار له قيمة وحشمـة وتعبـار
وجاراتنا عن كـل عايـز عفيفـه
ما زارهن من يبغي الحيـف زوار
ألا ولا عنهـن نـدس الغريـفـه
والجار ما نذكر خماله ولـو جـار
ولا ننهره بالقول لو بـان حيفـه
نبغي أن كانه بـدل الـدار بديـار
وقام أيتذكر ما حصل مـن حليفـه
يعد ما شافت عيونـه ومـا صـار
والكل في جـاره يعـد الوصيفـة
جار على جـاره بختـري ونّـوار
وجار على جـاره صفـاة محيفـه
ولا بد ما تذهب تواريـخ وأذكـار
والطيب يشرى بالعمـار القصيفـه
الطيب نوهاته صعيبـات وأعسـار
مبطي لدسمين الشوارب وضيفـه
نكرم سبال الضيف حـق وتعبـار
يوم أن خطو اللاش شح برغيفـه
يا مزنة غراء من الوبـل مبـدار
برقه جذبنـي مـن بعيـد رفيفـه
هلت من القبلة هماليـل الأمطـار
من سيلها الوادي غدالـه وحيفـه
تنزل على الوديان من ديم مـدرار
وتصبح بها ريضان ربعي مريفـه
صبح المطر فاحت بها ريح الأزهار
وتخالـف النـوار مثـل القطيفـه
ترعابها قطعاننـا سـر وأجهـار
تقطف زهر مرباعها مع مصيفـه
قطعاننا مـا ترتـع بدمنـة الـدار
ترعى زماليق الفيـاض النضيفـة
ترعى بحد السيف قصاف الأعمار
في ضل مروين السيوف الرهيفـه
في ضفـة الله ثـم جبـر وجبـار
خيالـة يـوم المـلاقـا عنيـفـه
ترعى من البكري اليا خشم سنّـار
ما حده الـوادي لرجـم الحتيفـه
تسمن بها العرا من الذود معطـار
غبوقـة الخطـار عجـل عطيفـه
يبني عليها بنيـت اللبـن لجـدار
عقب الضعف صارت ردوم منيفـه
أن سوهجوا عنها معاميس الأبصار
حنـا نـرد اللـي يبيهـا نكيفـه
ما هي سوالف مسرد عقب ما نار
مع العرب يشبه لخطـو الهديفـه
ومن لا صبر ما حاش بالفود دينار
تصبح أحواله عند ربعـه كسيفـه
خطو الولد مثل البليهي اليـا ثـار
زود على حمله نقل حمـل أليفـه
يشدا هديب الشام حمّـال الأقطـار
اليا زودوا حملـه تـزاود زفيفـه
وخطو الولد مثل النداوي اليا طـار
صيده سمين ولا يصيـد الضعيفـه
وخطو الولد فعله على العيب والعار
صفرٍ على عـود تضبـه كتيفـه
وخطو الولد كوبان ما يقرب الحار
لا نافـع نفسـه ولا منـه خيفـه
وصلاة ربي عد ما أخضر الأشجار
على الرسول اللي علومه شريفـه
.
أما الشاعـر مقحم النجدي من المكيتل من الجلال من الصقور من عنزة المتوفى في حدود عام 1260هـ تقريباً فهو شاعـر مقل مع جودة شعـره ومن شعره هذه القصيدة وقد أطلق عليها أبن رشيد أسم الشيخة قالها يحث على حسن الجوار ومكارم الأخلاق ويعتز بفعل جماعته ..
يا الله يالمعبود يا والـي الأقـدار
يا فارج الشدات لـو هـي كليفـه
أنت الذي تعلم خفيـات الأسـرار
معيش الخلند اللي عيونـه كفيفـه
يا رب يا رحمن عاون هل الكـار
يا معاون العبد الضعيف وسعيفـه
اللي مجالسهم بهـا بـن وأبهـار
ونجر يصـوت للهواشـل رجيفـه
اللي صيانيهـم وسيعـات واكبـار
ومفطحات الحيل للضيـف ضيفـه
تقليطهم للضيـف قعـدان وأبكـار
وحيل الغنم وقت السنين الحفيفـه
حنا كما مشخص عن الصرف مابار
بالوزن نرجـح والدراهـم خفيفـه
حنا لك الله ما نخفي سنـا النـار
ولا ننـزل ألا بالديـار المخيـفـه
وحنا لـك الله للمعاديـن جنـزار
وعدونـا لـو هـو بعيـد نخيفـه
وحنا لك الله من بعيديـن الأخبـار
والنفس ما نلحق هواهـا حسيفـه
وحنا لك الله من قديم لنا كار
عن جارنا ما قط نخفي الطريفه
نرفى خماله رفيت العـش بالغـار
ونودع له النفس القويـه لطيفـه
وعن المهونه والردا جارنا مجـار
برباعنـا يلقـا وناسـه وكيـفـه
والجار له قيمة وحشمـة وتعبـار
وجاراتنا عن كـل عايـز عفيفـه
ما زارهن من يبغي الحيـف زوار
ألا ولا عنهـن نـدس الغريـفـه
والجار ما نذكر خماله ولـو جـار
ولا ننهره بالقول لو بـان حيفـه
نبغي أن كانه بـدل الـدار بديـار
وقام أيتذكر ما حصل مـن حليفـه
يعد ما شافت عيونـه ومـا صـار
والكل في جـاره يعـد الوصيفـة
جار على جـاره بختـري ونّـوار
وجار على جـاره صفـاة محيفـه
ولا بد ما تذهب تواريـخ وأذكـار
والطيب يشرى بالعمـار القصيفـه
الطيب نوهاته صعيبـات وأعسـار
مبطي لدسمين الشوارب وضيفـه
نكرم سبال الضيف حـق وتعبـار
يوم أن خطو اللاش شح برغيفـه
يا مزنة غراء من الوبـل مبـدار
برقه جذبنـي مـن بعيـد رفيفـه
هلت من القبلة هماليـل الأمطـار
من سيلها الوادي غدالـه وحيفـه
تنزل على الوديان من ديم مـدرار
وتصبح بها ريضان ربعي مريفـه
صبح المطر فاحت بها ريح الأزهار
وتخالـف النـوار مثـل القطيفـه
ترعابها قطعاننـا سـر وأجهـار
تقطف زهر مرباعها مع مصيفـه
قطعاننا مـا ترتـع بدمنـة الـدار
ترعى زماليق الفيـاض النضيفـة
ترعى بحد السيف قصاف الأعمار
في ضل مروين السيوف الرهيفـه
في ضفـة الله ثـم جبـر وجبـار
خيالـة يـوم المـلاقـا عنيـفـه
ترعى من البكري اليا خشم سنّـار
ما حده الـوادي لرجـم الحتيفـه
تسمن بها العرا من الذود معطـار
غبوقـة الخطـار عجـل عطيفـه
يبني عليها بنيـت اللبـن لجـدار
عقب الضعف صارت ردوم منيفـه
أن سوهجوا عنها معاميس الأبصار
حنـا نـرد اللـي يبيهـا نكيفـه
ما هي سوالف مسرد عقب ما نار
مع العرب يشبه لخطـو الهديفـه
ومن لا صبر ما حاش بالفود دينار
تصبح أحواله عند ربعـه كسيفـه
خطو الولد مثل البليهي اليـا ثـار
زود على حمله نقل حمـل أليفـه
يشدا هديب الشام حمّـال الأقطـار
اليا زودوا حملـه تـزاود زفيفـه
وخطو الولد مثل النداوي اليا طـار
صيده سمين ولا يصيـد الضعيفـه
وخطو الولد فعله على العيب والعار
صفرٍ على عـود تضبـه كتيفـه
وخطو الولد كوبان ما يقرب الحار
لا نافـع نفسـه ولا منـه خيفـه
وصلاة ربي عد ما أخضر الأشجار
على الرسول اللي علومه شريفـه
.